D’Jugendmusek am Industriedschungel

Beneficeconcert zu Gonschte vun Niños de la Tierra

Den 23. Mäerz invitéiere mir iech op eng ganz besonnesch musikalesch Zäitrees – et geet zeréck un d’Wuerzele vum Minett.

D‘Jugendmusek entféiert iech ab 17:00 am Schëfflenger Pompelhaus an d‘Zäit vun der Industrialiséierung. 🎵🎺

Zesumme mam Musée Schëfflenger Schmelzaarbechter sammelt d‘JMS am Kader vun dësem Concert Spende fir de gudden Zweck.

Den Erléis geet un Niños de la Tierra Asbl, eng lëtzebuergesch Associatioun, déi scho säit 1998 eng Musekschoul am Chile 🇨🇱 ënnerstëtzt. Opgrond vu schroe Bëschbränn ass des Schoul, déi wéi duerch e Wonner net vun de Flamen erfaasst gouf, rezent zur Verdeelerzentral vun Hëllefsgidder an zum medezinesche Versuergungslager ëmfunktionéiert ginn.

Ganz am Sënn vu Museker hëllefe Museker, wëlle mir der Associatioun hëllefen, hirem Partner am Chile an dëse schwéieren Zäite bäizestoen.

Mir freeën eis elo schonn, iech zuelräich am Pompelhaus ze begréissen. A vergiesst net, iech deen Dag och gutt anzepaken. 🧣