Eric Gherardi

Foto : Jérôme Klein

About me

Mäin Numm ass Eric, zu Schëffleng opgewuess a vu Kand un musekbegeeschtert. Meng Carrière huet am Escher Conservatoire beim Serge Kettenmeyer ugefaangen, iert ech op Maastricht bei ënner aneren de Pieter Janssen an de Raymond Curfs Percussioun mat Fokus op Orchester a Pedagogie studéiere gaange sinn. Duerno huet et mech nees zréck op Esch gefouert wou ech an der Direktiounsklass vum Jean-Claude Braun momentan den diplôme supérieur an der Orchesterdirektioun viirbereeden.

Why I love music

Musek ass déi eenzeg Sprooch déi weltwäit verstane gëtt. Musek verbënnt, mecht
Freed a kann heelen. Musek beaflosst esou Villes, vun der gudder Laun am
Supermarché bis zum Suspense am Horrorfilm, vum Spaass an der Disko bis zu
der klenger Tréin an der Philharmonie. Mech begleed d’Musek iwwerall, an ech si
frou, dass ech déi Passioun zu mengem Beruff konnt maachen.

Most memorable music experience

Mäin Dram, Orchestermuseker ze ginn, konnt ech leider ni zu 100% erfëllen, an
awer hunn ech an Orchesteren wéi dem European Union Youth Orchestra, dem
Ljubljana International Orchestra, an de Lëtzebuerger Philharmoniker ganz vill
wonnerschéi musikalesch Momenter erlieft. Virun Allem vun deene ville
fantastesche Bühnen déi ech schon dierft besichen hunn ech eemoleg a wäertvoll
Erënnerungen, sou zum Beispill aus dem Palau de la Musica zu Barcelona, dem
Teatro la Fenice zu Venedeg, an der Philharmonie zu Berlin.

Favourite composer

Ech kann a wollt mech nach ni festleeën op e Lieblings-Komponist oder Lieblings-Stil. All Komponist huet seng besonneg Elementer a léist ganz ennerschiddlech
Emotiounen aus beim Lauschteren. Sou dreemen ech zum Beispill gär mam
Maurice Ravel, oder loosse mech vum Sound vum Gustav Mahler beandrocken,
oder awer loossen mech vun de Kläng vun enger Beethoven Symphonie mat op
d ‘Rees huelen. Och vu Filmmusek sinn ech ganz begeeschtert an et faszinéiert
mech ëmmer nees, wéi den Danny Elfman mat senger skurriler Musek esou
besonneg Athmosphäre kreéiere kann, oder wéi de Michael Giacchino esou staark
Emotiounen erviirruffe kann. Zu gudder Lescht sinn ech als Dirigent vun enger
Harmonie natierlech och den aktuellen Harmonie, Fanfare oder Brass Band
Komponisten op der Spuer, an do sinn et ënnert villen aneren Leit wéi den Otto M.
Schwarz, Philip Sparke an Thomas Doss déi mech begeeschteren.

to be continued …